السبت 17-10-2026 04:27 كتب: منى صقر
آخرون صورة جديدة للإعلامية ريا أبي راشد تصوير : آخرون
آخرون صورة جديدة للإعلامية ريا أبي راشد
عبرت الإعلامية ريا أبي راشد عن سعادتها بالأجواء السينمائية المميزة في مهرجان الجونة، على هامش حضورها مهرجان الجونة السينمائي في دورته التاسعة.
وقالت ريا في تصريحاتها لـ«المصري اليوم» عن المهرجان: «أنا دائمًا بقول لما بوصل هنا في البلازا بحب الجو جدًا عشان في هواة للسينما، الناس كلها موجودة مش عشان النجوم، أو موجودين شوية عشان النجوم بس الأكتر عشان السينما، في روح سينمائية حلوة هنا في البلازا بحب أشوفها كل سنة».
اقرأ أيضًا: أعلى وأقل سعر للدولار اليوم في مصر.. فارق الأسعار يصل إلى جنيه تقريبًا
وتابعت ريا حديثها عن شعار المهرجان «سينما من أجل الإنسانية»، موضحةً: «مهرجان الجونة بقى عنده تخصص في حتة السينما من أجل الإنسانية باختيار الأفلام اللي ليها طابع إنساني، أنا بشجع ده جدًا وبنبسط وبتأثر بيه أوي».
وحول تكريم الفنانة منى زكي، أوضحت تأثرها الشديد بهذه اللحظة، مضيفةً: «إمبارح كان يوم مؤثر جدًا كمان، إننا كلنا نكون موجودين هنا عشان منى زكي، ونقولها قد إيه إحنا بنحبها ومعجبين بيها، هي من أكتر الممثلات الموهوبة في جيلها وفي كل الأجيال، أنا بحبها أوي أوي ومعجبة بيها جدًا، هي التوب».
واختتمت تصريحاتها بتوجيه الشكر لفريق عملها الذي يهتم بإطلالتها على السجادة الحمراء، مازحة: «عايزة أقول شكرًا لمدير أعمالي يوسف والستايلست بتاعي وبتوع الشعر والميكب وكل الناس اللي بتساعدني إني أتميز على الريد كاربت، وإلا أنا هبقى بالبيجامة بس».
